ياسر زنهم وتحليل لمقال بروفسير حنان عبد الآخر
الـسـم فـي الـعـسـل
عن الوعي والحقوق لما الميزان يميل
رد علي مقال البروفيسور الدكتوراه حنان عبد الاخر
بقلم الكاتب الصحفي ياسر زينهم
الوعي وتطوير الذات مش رفاهية مثقفين ده شريان حياة
والحقوق والواجبات مش بنود في الدستور ده ميزان عدل، لو مال المجتمع كله يقع
1 المشهد بنتفرج على نفسنا واحنا بنغرق
بقالنا سنين واقفين نتفرج على أمواج بتضرب في ثوابتنا
إعلامي يسب شريحة كاملة على الهوا شيخ يطلع فتوى شاذة عيل يقول لأبوه يا اسطى شاب ميسور ينتحر ومدارس بتخرج جهلة بأخلاق واطية
نسأل دي ظواهر عابرة؟
ولا مرض؟
الحقيقة احنا اللي خليناها ظاهرة
لما سكتنا لما طبطبنا لما حولنا التفاهة لترند والهيافة لنجومية
الجدال بقى رياضة قومية والنتيجة صفر حلول
2 التشخيص المرض مش في الأعراض
المشكلة مش في الإعلامي اللي شتم المشكلة في اللي اداله مايك
مش في الفتوى الشاذة المشكلة في اللي خلاها مانشيت
مش في العيل اللي قال يا اسطى المشكلة في الأب اللي ما رباش والمدرس اللي ما علّمش
الخلل الحقيقي منظومة القيم انهارت وطلع مكانها منظومة المصلحة
الكرسي بقى قبل الضمير واللقطة بقت قبل الحقيقة والفلوس بقت قبل المبدأ
فبقى اللي سايق المشهد تماثيل المال وأصحاب الفكر المتواضع
والمثقف الحقي قاعد في آخر الصف ساكت
3 الميزان حق وواجب مش حق بس
1 الوعي وتطوير الذات
الوعي مش كورس هتاخده في ساعتين
الوعي ألم
إنك تبص في المراية وتقول أنا غلط
تطوير الذات مش بوست تحفيزي
إنك تشتغل على نفسك كل يوم حتى وانت مش شايف نتيجة
اللي واقف مكانه
بيرجع لورا
واللي بيرجع لورا
وعيه بيموت
2 الحقوق والواجبات
مفيش حاجة اسمها أنا ليا حق وخلاص
الحق قرين الواجب
عايز حقك في الاحترام؟
أدّي واجبك في الأدب
عايز حقك في وطن آمن؟
أدّي واجبك في حمايته
حتى لو بكلمة حق
اللي بيطالب بحقه قبل ما يعمل واجبه زي اللي عايز يقبض قبل ما يشتغل
القاعدة وعي بلا فعل = وهم
وحق بلا واجب = بلطجة
4 الترياق الحل مش في الوزارة
الحل في المراية
1 الأسرة قبل ما تعلم ابنك يطالب بحقه علمه يعني إيه واجب
علمه إن الرجولة موقف وإن يا اسطى تتقال للأسطى مش لأبوك
القدوة مش محاضرة
القدوة فعل
2 التعليم فاقد الشيء لا يعطيه
المدرس اللي معندوش وعي ولا ضمير هيطلع جيل زيه
لازم اللي واقف قدام الطلبة يكون هو نفسه منهج ماشي على رجلين
3 أنا وانت البلد دي مش هتتعدل بقرار هتتعدل لما كل واحد فينا يعدل ميزانه هو الأول
تبطل تبيع ضميرك عشان مصلحة تبطل تسكت على الغلط عشان وانا مالي
5 الخلاصة في كبسوله
آخر مسمار في نعش الأندلس
الأندلس ما سقطتش بسيف العدو
سقطت لما الكرسي بقى أغلى من الأرض
واحنا مش هنسقط من عدو بره
هنسقط لو الميزان فضل مايل جوه
فاسمعها مني
لو عايز تعيش طور وعيك
لو عايز تاخد حقك أدّي واجبك
لو عايز وطن ابدأ بنفسك
لأن المجتمع مش هيتغير ببوست
هيتغير لما كل واحد فينا يبقى هو البوست
توقيع واحد رفض يتفرج على الغرق ونزل الميه
ياسر زينهم
كل الشكر والتقدير والاحترام
ردحذف